पोस्टर स्पर्धा, प्रश्न मंजूषा, प्राथमिक उपचार केंद्रात मार्गदर्शन
जळगाव – येथील डॉ. केतकी पाटील कॉलेज ऑफ नर्सिंग महाविद्यालयात दि. १ ते ७ ऑगस्ट दरम्यान जागतिक स्तनपान सप्ताहा निमित्त विविध कार्यक्रमांच्या माध्यमातून जनजागृती करण्यात आली.
डॉ. केतकी पाटील कॉलेज ऑफ नर्सिंगतर्फे स्तनपान सप्ताहाचे आयोजन करण्यात आले होते. १ ऑगस्ट रोजी नर्सिंग महाविद्यालयाच्या स्त्रीरोग विभागप्रमुख प्रा. प्राजक्ता सावरकर, प्रा. प्राजक्ता डाकोरे यांच्या हस्ते थीम ओपनिंग करण्यात आले. २ ऑगस्ट रोजी जीएनएम प्रथम वर्षाच्या विद्यार्थ्यांकडून रूग्णालयात आरोग्यविषयक संवाद साधण्यात आला. यावेळी प्राध्यापक व कर्मचारी उपस्थित होते. ४ ऑगस्ट रोजी पोस्टर स्पर्धेचे आयोजन करण्यात आले होते. ५ ऑगस्ट रोजी स्तनपान या विषयावर प्रश्नमंजुषा स्पर्धा घेण्यात आली. दि. ६ रोजी नशिराबाद येथील प्राथमिक आरोग्य केंद्रात बी.एसस्सी तृतीय वर्षाच्या विद्यार्थ्यांनी जनजागृती केली. ७ ऑगस्ट रोजी स्तनपान या विषयावर निवासी डॉ. तेजस सोनवणे यांनी कार्यशाळेत मार्गदर्शन केले.
स्पर्धेतील विजेत्यांना पारितोषिक
पोस्टर स्पर्धेत जीएनएम प्रथम वर्ष आणि प्रश्नमंजुषा स्पर्धेत गृप बी विजेते ठरले. विजेत्या विद्यार्थ्यांना मान्यवरांच्या हस्ते ट्रॉफी आणि प्रशस्तीपत्र देण्यात आले.
