जळगाव – येथील डॉ. उल्हास पाटील वैद्यकीय महाविद्यालय व रूग्णालयाच्या प्रांगणात श्रींचे मोठ्या जल्लोषात आगमन झाले. गणरायाचा आगमन सोहळा ढोल-ताशांच्या गजरात साजरा करण्यात आला. वैद्यकीय महाविद्यालयाच्या विद्यार्थ्यांनी बाप्पाच्या आगमनासाठी आकर्षक सजावट केली होती. यावेळी डॉ. वैभव फरके यांच्या हस्ते गणरायाची विधीवत स्थापना करण्यात आली. यावेळी वैद्यकीय महाविद्यालयाचे संचालक डॉ. एन.एस. आर्विकर, वैद्यकीय महाविद्यालयाचे अधीष्ठाता डॉ. प्रशांत सोळंके, हृदयविकार तज्ज्ञ डॉ. वैभव पाटील, रजीस्ट्रार प्रमोद भिरूड, डॉ. सी.डी. सारंग यांच्यासह महाविद्यालय व रूग्णालयातील डॉक्टर, प्राध्यापक, विद्यार्थी मोठ्या संख्येने उपस्थित होते.
