डॉ. उल्हास पाटील रूग्णालयातील बालरोग तज्ज्ञांचे यश
जळगाव,- बालपणीचा खेळ कधी कधी अपघातात बदलू शकतो. अशाच एका दुर्दैवी घटनेत खेळताना पहिल्या मजल्यावरून खाली पडलेल्या आठ वर्षीय बालिकेवर डॉ. उल्हास पाटील रूग्णालयातील बालरोग तज्ज्ञांनी यशस्वी उपचार करून तिचे प्राण वाचवले. तज्ज्ञ डॉटरांच्या तत्परतेमुळे आणि वैद्यकीय टीमच्या समन्वयामुळे बालिकेचा जीव वाचविण्यात यश आले.
याबाबत मिळालेल्या माहितीनुसार, भुसावळातील एका भागात राहत असलेली आयेशा ही आठ वर्षीय बालिका घराच्या पहिल्या मजल्यावर खेळत असताना तोल जाऊन खाली पडली. डोयावर मार लागल्याने ती काही क्षणात बेशुद्ध झाली. कुटुंबीयांनी तातडीने तिला डॉ. उल्हास पाटील रूग्णालयात दाखल केले. दाखल होताच बालरोग विभागातील तज्ज्ञ डॉटरांनी प्राथमिक तपासणी केली. बालिकेची स्थिती गंभीर असल्याने तात्काळ मेंदूचा सीटी स्कॅन करण्यात आला.सीटी स्कॅनमध्ये बालिकेच्या मेंदूत अल्प प्रमाणात रक्तस्त्राव झाल्याचे निदर्शनास आले. परिस्थितीचा बारकाईने आढावा घेत बालरोग तज्ज्ञ डॉ. अनंत बेंडाळे, डॉ. सुयोग तन्नीरवार, डॉ. उमाकांत अणेकर यांनी औषधोपचार उपचार सुरू केले. आवश्यक त्या सर्व वैद्यकीय सुविधा – मॉनिटरिंग, ऑसिजन सपोर्ट आणि औषधोपचार बालरोग अतिदक्षता विभागात उपलब्ध करून देण्यात आल्या. काही दिवसांच्या सातत्यपूर्ण उपचारानंतर बालिकेची प्रकृती सुधारली आणि ती पूर्णपणे शुद्धीवर आली.
अपघातानंतर योग्य वेळी रुग्णालयात दाखल करणे आणि अचूक निदान करणे अत्यंत महत्वाचे असते. या बालिकेच्या बाबतीत तेच वेळेवर घडल्याने उपचार यशस्वी ठरले. अशा अपघातांमध्ये पालकांनी विलंब न करता तातडीने वैद्यकीय उपचार घ्यावेत, जेणेकरून संभाव्य धोका टाळता येतो.
– डॉ. अभिजीत. निवासी डॉक्टर
